Sabanıñ 8

1912 s. Qırımnıñ Mamaşay köyünde arbiy erbap, uçucı,
Ekinci cian cenkiniñ iştirâkçisi
Abduraim REŞİDOV (08.03.1912–24.10.1984) doğdı.

1941 s. ilk yaz ayından areketteki orduda cenkleşti. 1942 s. kiçik qış ayınıñ 23-inde Lenin ve Qızıl Yıldız ordenlerinen mükâfatlandı. 1945 s. ilk yaz ayınıñ 27-sinde Sovetler Birliginiñ Qaramanı unvanına nail oldı, Lenin ordeni ve "Altın Yıldız" medalinen mükâfatlandı. Cenk devrinde Reşidov 222 cenkâver uçuş yaptı. Arbiy hızmetini tamamlağan soñ Qırımğa qaytıp olamadı. Faqat arbiy ava küçleriniñ baş kumandanı Konstantin Verşininge muracaat etken soñ Simferopol partiya reberleri Sovetler Birliginiñ Qaramanına kvartira bermege mecbur olalar. Lâkin, A.Reşidov halqına Vatanında yaşamaq içün izin berilmegenine qatlanamadı. İsyankâr qaraman daima KGB nezareti altında yaşadı. 1984 s. boş ayınıñ 24-inde vefat etti. Abdal mezarlığında defin etildi.

Halqara qadınlar künü