Sabanıñ 23

1913 s. Qırırmda, Aqmescit ş. bestekâr, çalğıcı, oca
İlyas BAHŞIŞ (23.03.1913–25.06.2000) doğdı.

1940 s. Qırım bestekârları birligine reberlik yaptı. Qırım ASSR-de nam qazanğan medeniyet hadimi (1940). Qırım yır ve oyun ansambliniñ bediiy reberi. 1944 s. quralay ayınıñ 18-inde Tacikistannıñ uran ocaqlarına sürgün etildi. 1946 s. icadiy faaliyetke qayttı, Ferğana teatrinde drijor ve muzıka reberi olıp çalıştı. 1957 s. Taşkentte "Qaytarma" qırımtatar ansablini teşkil etti. Qırırmtatar simfonik muzıkası inkişafına büyük isse qoştı. 70-ss. simfonik orkestr içün "Qırımtatar halq avalarına beş variatsiya", "Tatar rapsodiyası", "Vatan türküsi" muzıkalı süitanı yazdı. Onlarnen yır, "Mishor qızı" baleti içün muzıka yarattı. 1989 s. Qırımğa qayttı, yañıdan tiklengen Qırımtatar drama teatrine bediiy reberlik yaptı. 1993 ve 2004 ss. bestekâr tarafından toplanğan ve qayta işlengen qırımtatar halq yırları cıyıntığı ve onıñ vokal eserleri neşir etildi. 2000 s. ilk yaz ayınıñ 25-inde Aqmescitte vefat etti.