Sabanıñ 22

1944 s. Qırımnıñ Yancu köyünde alim-filolog, oca, qırımtatar tilşınaslığı ilmiy mektebiniñ esasçısı
Ayder MEMETOV (22.03.1944–27.01.2022) doğdı.

1944 s. quralay auınıñ 18-inde Özbekistanğa sürgün etildi. Taşkent devlet universitetiniñ mezunı (1969). Filologiya ilimleri doktorı (1989), professor (1991), Qırım ilimler akademiyasınıñ akademigi. Ukrayinada nam qazanğan halq tasili hadimi (1995). 1994 s. Simferopol devlet universiteti qırımtatr tili kafedrasınıñ müdüri, 2002 s. Vernadskiy adına Tavriya milliy universiteti qırımtatar ve şarq filologiyası fakültetiniñ dekanı. İlmiy araştırmalar saası — türk ve iran tilleriniñ qiyasiy leksikologiyası, fonetika, morfologiya ve qırımtatar tilini oqutuv usuliyeti. Qırımtatar tilşınaslığı ilmiy mektebiniñ esasçısı. Aliy oquv yurtları studentleri içün qırımtatar tili boyunca ilk oquv programmalarnıñ, orfografik luğatlarnıñ, mektep derslikleriniñ, morfologiya ve leksikologiyağa bağışlanğan monografiyalarnıñ muellifi. 2022 s. qara qış ayınıñ 27-sinde Aqmescitte vefat etti.