Sabanıñ 2

1969 s. Qırımda, Acı Atman köyünde Qurban bayramı qutlandı.

Qırımtatarlar sürgünlikten soñ ilk kere müsülmanlarnıñ diniy bayramı esaplanğan Qurban bayramını nişanladılar.

1913 s. Qırımnıñ Şuma köyunde pedagog, qırımtatar milliy areketiniñ iştirakçi
Ali DEVLETOV (02.03.1913–02.11.2007) doğdı.

Ocalıq faaliyetini 1931 s. Qırımda, Körbek köyünde başladı. 1936 s. Simferopol pedinstitutına oqumağa kirdi. Halq tasili alâcılarınıñ I syezdine vekil seçildi (1936). Ekinci Cian cenki iştirakçisi, Qızıl Yıldız, II dereceli Vatan cenki ordenlerinen taqdirlendi. 1946 s. demobilizatsiyadan soñ Özbekistannıñ Bekabad şeerinde yaşadı.
1992 s. Qırımğa qayttı. "Yañı dünya" gazetasında ve "Yıldız" mecmusaında basılğan bir sıra oçerk ve maqalelerniñ muellifi. İ. Gasprinskiy adına Cumhuriyet qırımtatar kitaphanesine çoqtan çoq kitap bağışladı. 2007 s. boş aynıñ 2-sinde Aluştada vefat etti.