Sabanıñ 15

1915 s. Qırımnıñ Cadra-Şeyh-Eli köyünde Sovetler Birliginiñ Qaramanı, oqçu polkunıñ komandiri Anatoliy (Fetislâm) ABİLOV (15.03.1915–15.08.2005) doğdı.

1941 s. oraq ayından başlap Ekinci cian cenki cebelerinde cenkleşti. Eki kere Sovetler Birligi Qaramanı unvanına taqdim etilgen, amma qırımtatar halqına mensüp olğanı içün bu unvan tek 1990 s. berildi. Şu vaqıtta Lenin ordeni ve| "Altın Yıldız" medalinen taqdirlendi. Moskva vilayetiniñ Jukovskiy ş. yaşadı. Nefaqağa çıqmasına qadar Eksperimental maşinaqurucılığı zavodında çalıştı. 2005 s. arman ayınıñ 15-inde Jukovskiy şeerinde vefat etti.

2014 s. Meclis Ukrayina Yuqarı Radasına ve Ukrayina halqına muracaatta bulundı.

Muracaatta Meclis Ukrayinanı qabul etilgen sıñırlar çerçivesinde suveren ve mustaqil devlet olaraq tanığanını tasdiqladı ve "Qırımnıñ topraq mensübligini deñiştirmek maqsadında azırlanğan referendumnı tanımaycağını bildirdi. Меclis "Qırımnıñ tamır halqı olğan qırımtatar halqınıñ serbest istegi olmadan Qırımnıñ kelecegini belgilemek içün yapılğan er çeşit areketni qatiyen red etecegini, ve nasıl ükümette yaşamaq aqqını seçmek tek qırımtatar halqına ait olğanını bildirdi. Meclis eminliknen bildire ki, "qırımtatar halqınıñ uquqını tiklev ve özüni idare etüv uquqını tarihiy vatanında kerçekleştirüv suveren ve mustaqil Ukrayina devleti terkibinde yerine ketirilmesi kerek". RF-nıñ areketleri agressiya ve okkupatsiya olraq qaralana.

2014 s. yarım adanıñ işğaline qarşı
Aqmescitniñ merkeziy meydanına barışıq piketine çıqqan
qırımtar Reşat Ametovnıñ cesedi tapıldı. Bu tınç eali arasında rus
işğalcileri tarafından yapılğan birinci qurban edi.

2014 s. saban 3-te Reşat Ametov yarım adanıñ rus ordusı tarafından işğal etilmesine narazılıq bildirmek içün Qırım Nazirler Şurası qarşısına tek başına piketke çıqqan edi. Özlerini "samooborona" vekilleri dep adlandırğan kamuflâclı üç adam onı yaqalap, arabağa oturta ve belli olmağan tarafqa alıp keteler. 12 künden soñ R. Ametovnıñ ipranğan cesedi Qarasuvbazar bölgesindeki Ortalan köyü civarında tapıldı. Saban 18-de Reşat Ametovnı Aqmescit şeer mezarlığında defin ettiler.

2014 s. Ukrayina Yuqarı Şurası Ukrayina Anayasa Mahkemesiniñ
Qırım Muhtar Cumhuriyetinde maalliy referendum ötkerüv,
şu cumleden Qırım MC Yuqarı Şurasınıñ Ukrayina Anayasasını bozması aqqındaki işi boyunca
2014 senesi saban 15-teki hülâsasına köre,
VI çağıruv Qırım Muhtar Cumhuriyeti Yuqarı Şurasınıñ vekaletini
müddetinden evel toqtatmaq aqqında qarar qabul etti.

Ukrayina Merkeziy saylav eyeti yarımadada saylavcılar reyestrine kirüvni qapattı.

İslamofobiyağa qarşı halqara kureş künü.

İslamofobiyağa qarşı halqara kureş künü 2022 s. saban 15-te BMT-nıñ Baş Assembleyası tarafından teşkil etilgen olıp, onıñ qabul etken Rezolütsiyasında terrorizm ve küç qullanğan ekstremizm bir-de-bir dinnen, milletnen, cemiyetnen ya da etnik gruppanen birleşmesi mümkün degil ve kerekmey, dep qayd etilgen edi. Rezolütsiya insan aqlarına ve çeşit din ve itiqatlarğa sayğı kösterüvge esaslanğan medeniyetke qol tutuvda global dialogğa çağıra.