Kiçiknıñ 6

1909 s. Qırımda, Körbekül köyünde, oca, qırımtatar milliy areketiniñ iştirakçisi
Fatma YAZICIYEVA doğdı (06.02.1909–05.11.1991).

1929 s. başlap, Yalta rayonınıñ mekteplerinde ocalıq yaptı. 1944 s. quralay 18-de Özbekistanğa sürgün olundı, soñra Tacikistanğa köçürildi. Açlıq ve epidemiyalardan öleyatqan balalarnı qorçalamaq içün, başta bala bağçası, soñra ise mektep açıluvını talap etti. Soñ anda oca em müdir oldı. Samarqand vilâyetindeki Bulunğur şeerinde öksüz qalğan balalar içün evlâtlar evini teşkil etti. 1967 s. başlap, Samarqandda faaliyet köstergen qırımtatarlarnı Vatanğa qaytaruv teşebbüsçiler gruppasınıñ başqa vekillerinen Moskvağa, KPSS Merkeziy Komiteti ve SSSR ükümeti azaları ile körüşüvlerge barğan edi. Özbekistan Telükesizlik Devlet Komitetiniñ qattı nezareti altında edi. 1989 s. Qırımğa avdet oldı. 1991 s. boş aynıñ 5-inde Qırımdaki Saq rayonınıñ Moloçnoye köyünde vefat etti.