Kiçiknıñ 4

Kiçik ay 4–11 künleri, Yaltadaki Livadiya sarayında, Gitlerge qarşı koalitsiyasına ait olğan ileri
memleketler başlıqlarınıñ diplomatik körüşüvleri ötkerildi.
AQŞ adından Franklin Ruzvelt, SSSR tarafından — İosif Stalin, Britaniyadan ise — Uinston Çerçil
Avropa ve dünyada cenkten soñra yüz berecek ayat qurumı üzerinde subetler keçirmek baş maqsadınen körüştiler.

Mezkür konferentsiyada "Azat etilgen Avropa aqqında Deklaratsiya" qabul olundı, bu vesiqa bütün milletlerniñ öz devlet qurulışını seçip almaq aqqına esaslanğan edi. Lâkin Yalta konferentsiyasınıñ qararları sovet ükümetine, azat etilgen halqlarğa kösterilgen yardımını özcesine añlamaq içün, imkânlar qaldırdı. Neticede, Sovet Birligi Şarqiy ve Merkeziy Avropa devletlerini öz siyasiy nezareti astına aldı, qibette, "suvuq cenk"ni başladı. Demokratik şiarlarğa baqmadan, Deklaratsiyada ve, umumen, Konferentsiya devamında iç bir türlü şekilde halqlarnıñ zorlu sürgün olunmasına doğru qıymet kesilmedi, şu sırada, Qırımnıñ tamır halqı — qırımtatarlarnıñ vatandan sürgünligi aqqında aytılmadı.