Kiçiknıñ 1

1935 s., Qırımda, Savatka köyünde, iqtisatçı alim, ilimler doktorı, professor,
Qırım ilimler akademiyasınıñ azası
Rayyet ABDULLAYEV (01.02.1935–08.2022) dünyağa keldi.

1944 s. Özbekistanğa sürgün etildi. Qırımğa avdet olğan soñ, 1995–2022 ss. devamında Qırım muendislik-pedagogika institutınıñ kafedra başlığı olıp çalıştı. 100-den ziyade ilmiy işniñ muellifi ola. "Sürgün olunğanlarnıñ Qırımğa avdet ettirilmesi protsessiniñ inkişafı ve yerleşken noqtalarda ratsional abadanlaştıruvı programması"nıñ muelliflerden biri. 2022 s. Aqmescitte vefat etti.

1971 s. Amet-Han SULTANNIÑ (20.10.1920–01.02.1971) facialı elâk oluvı.

Sovetler Birliginiñ Eki defa qaramanı, sınavcı uçucı, Ekinci cian cenkiniñ iştirakçisi, qırımtatar halqınıñ qaramanı, qırımtatar milliy areketiniñ iştirakçisi Amet-Han Sultan "Tu-16" uçqan platformadaki reaktiv köçürmelerni sınav devrinde qazalanıp elâk oldı.

1991 s. USSRnıñ Yuqarı Şurası, Sovet Birliginiñ Nazirler Şurası tarafından 1987 s. üküm etilgen,
Qırımda qırımtatar halq vekillerini qayd etmekniñ sıñırlavını lâğu etti.

Bu künden evel qırımtatarlarğa Qırımda qayd olunmağa ("propiska" olmağa) yasaq edi. O zamanda Sovetler Birliginiñ Anayasasında temin etilgen emek, tasil, bala bağçası tasili, tıbbiyat, içtimaiy qoruv kibi uquqiy ihtiyaclarnı propiskasız ayatqa keçirmek mümkün degil edi.