İlk qışnıñ 6

Ukrayina Silâlı Küçleri künü

1910 s. Dnepropetrovsk vilâyetiniñ Znamenka köyüunde aktrisa
Maginur İŞNİYAZOVA-MUSTAFAYEVA (06.12.1910–26.05.1973) doğdı.
Qırım ASSR-de nam qazanğan artist (1941).

Qırımtatar devlet drama teatrı sanasında oynadı (1931–1941). 1944 s. Özbekistanğa sürgün etildi. 1944–1949 ss. Samarqand rus teatrında çalıştı. L.Tolstoynıñ "Anna Karenina", M.Gorkiyniñ "Vassa Jeleznova", K.Goldoniniñ "Oşlu vaqia" spektakllerinde oynadı. Yusuf Bolatnıñ "Deñiz dalğasız olmaz" pyesasındaki ana monologını, gramplastinka içün Ş.Alâyadinniñ ve E.Şemi-zadeniñ şiirlerini seslendirdi (1972). Taşkentte vefat etti.

1934 s. Qırımda, Tavbadraq köyünde şair, publitsist, cemaat erbabı,
qırımtatar milliy areketiniñ iştirakçisi Eskender FAZIL (06.12.1934–27.02.2003) doğdı.

1944 s. qorantasınen beraber Taşkent vilâyetine sürgün etildi. Nizamiy adına Taşkent devlet pedinstitutını bitirgen soñ rus tili ve edebiyatı ocası olıp çalıştı. Şiirler, ikâyeler, oçerklerniñ müellifi. Yazğan eserleri "Lenin bayrağı" gazetasında basıldı. 1970 s. Taşkentte "Melevşe" adlı ilk şiirler cıyıntığı dünya yüzü kördi. Müellifniñ icadı Vatanğa, tuvğan halqına, insanlar arasındaki munasebetlerge bğışlanğan. 1955 s. Milliy aeketke qoşuldı, 80-inci s. onıñ Taşkentteki yolbaşçılarından biri oldı. Özüniñ içtimaiy faaliyeti içün KGB tarafından taqip etildi. 1988 s. Qırımğa qaytqan soñ icadiy ve içtimaiy faaliyetini devam ettirdi. Mitingler teşkil etüvde, sovetlerge qarşı teşviqatta qabaatlanıp, yaqalandı. 1988 s. Qıımğa qaytqan soñ icadiy ve içtimaiy faaliyetini devam ettirdi. "Lenin bayrağı" (1984–1986) ve "Qırım" (1992) gazetalarında çalıştı. Ukrayina YB-niñ azası (1992). Aqmescitte vefat etti.