İlk qışnıñ 31

1926 s. Qırımnıñ Küçük-Taraqtaş köyünde oca, cemaat erbabı, milliy areket iştirakçisi
Riza ASANOV (31.12.1926–07.05.2005) doğdı.

1944 s. quralay ayında Özbekistanğa sürgün etildi. 1975 s. Taşkentte dissertatsiya qorçaladı ve pedagogika ilimleri namzedi ilmiy derecesine nail oldı. 1956 s. başlap qırımtatar halqı milliy areketiniñ faal iştirakçisi, qırımtatar halqı problemalarınen oğraşqan Devlet eyetiniñ Ferğana şeerinden azası edi. 1989 s. qırımtatar mekteplerini açuv, ocalar, halq tasili ve maarif hadimlerini azırlav boyunca Kompleks programmanı işledi. Aqmescitte vefat etti.

1992 s. Qırımda "Krımskaya svetlitsa" gazetasınıñ ilk sanı çıqtı.

"Krımskaya svetlitsa" Bütünittifaq edebiybediiy ve publitsitik gazetası "Prosvita" Bütünukrayin cemiyeti ve Ukrayina Yazıcıları birliginiñ Qırım bölügi tarafından çıqarılmağa başladı. 2014 s. Qırım işğalinden soñ gazeta öz neşirini toqtattı ve elektron tarzında  çıqarılmağa başladı. 2016 s. Kiyevde yañıdan aftada bir kere 1000 nusha neşir etilmege başladı. 2020 s. ilk yaz ayında gazeta onlayn banknıñ arhiv, muzey, maarif ve informatsionanalitik malümatlarınıñ Qırımnıñ Ukrinanıñ qıta qısmınen olğan sıq alâqasını isbatlamaq maqsadında "Qırım — bu Ukrayina" internetleyhasınıñ tesisçilerinden biri olaraq iştirak etti.