İlk qışnıñ 29

1936 s. Qırımda, Canköy şeerinde muzıkacı, bestekâr, oyuncı, "Qaytarma" ansambliniñ muzıka reberi
Memet ARSLANOV (29.12.1936–15.10.1993) doğdı.

Sürgünlikte Özbekistannıñ Buhara şeerine tüşti. Çeşit çalğı aletlerini çalmağa bile edi. Çoq yıllardan soñ, 1972 s. Sanağa ilk kere qadimiy qırımtatar çalğı aleti — saznı çıqardı ve ansamblde çaldı. Şimdiki vaqıtta qırımtatar yırcıları yırlağan çoqtan-çoq yırlarnıñ müellifi. 
1972 s. ilk kere onıñ tarafından yazılğan "Kim yaş olmağan?" yırı yañğıradı. "Yırla sazım", "Bayram yırı", "Aliyem", "Seni hatırladıqça", "Tangom menim" ve başqaları eñ çoq yırlanğan türküleridir. Aqmescit civarındaki Beş-Terek koyünde vefat etti.