İlk qışnıñ 2

1931 s. Qırımda, Duvanköyde milliy areket iştirakçisi
Seyityağya BİLÂLOV (02.12.1931–2011) doğdı.
Sovet siyasiy repressiyasınıñ qurbanı.

1944 s. quralay ayınıñ 18-inde Öz.SSR-ge sürgün etildi. 1964 s. qırımtatar halqınıñ milliy areketine qoşuldı. Toplaşuvlar ve mitingler teşkil etti, qırımtatarlarnıñ KPSS MK ve başqa yuqarı devlet teşkilâtlarına yazğan muracaatlarına imzalar topladı. 1970 s. apiske alındı ve bir sene azatlıqtan şartlı olaraq marum etildi. 1980 s. qorantasınen Qabardin-Balqar ASSR-ge köçti. Nalçikte sürgün etilgen qabardinlerniñ "Hassa" ve balqarlarnıñ — "Nahş" milliy cemiyetlerinen sıq bağ tuttı. 1991 s. S. Bilâlov Vatanğa qayttı. Qırımda Milliy areket aqsaqalları birleşmesine yolbaşçılıq yaptı. Qırımda vefat etti.