İlk qışnıñ 16

1923 s. Qırımda, Kezlev şeerinde qırımtatar milliy areketiniñ iştirakçisi
Yusuf ABDURAMANOV (16.12.1923–1995) doğdı.

Ekinci cian cenki devrinde Aqrusiyeni azat etüvde, 1945 s. Yaponiya operastsiyasında iştirâk etti. 1946 s. demobilizatsiya etilgen soñ Özbekistanğa, sürgün etilgen doğmuşlarını qıdırmağa kete. 1958–1960 ss. qırımtatarlarnıñ milliy areketine qoşuldı. Taqiplerğe, işten boşatılmalarğa rağmen, o, milliy areketten vazgeçmey.
1987 s. milliy areket faâlleriniñ bütünittifaq konferentsiyasında iştirâk etti. 1987-1994 ss. Samarqand vilayetinde halqımıznı Qırımğa qaytaruv meselelerinen oğraşqan koordinatsion şura teşkil etti ve oña reberlik yaptı. Qırımtatar halqınıñ II Qurultayına Samarqand vilâyetinden vekil seçildi. Qırımğa 1994 s. soñunda qayttı, Kezlevde yerleşti. Qırımda vefat etti.