İlk qışnıñ 12

1903 s. Qırımda, Bağçasaray şeerinde tilşınas-alim, terciman
Yaqub KÜRKÇİ (12.12.1903-12.1943) doğdı.

1930 ss. Qırım devlet neşriyatında dersliklerni qırımtatar tiline tercime etüv saasında çalıştı. 
1941 s. cebege ketti. 1943 s. ilk qış ayında elâk oldı. Onıñ tercime etken bazı kitapları İ. Gasprinskiy adına kitaphanede saqlana. "Mineralogiya ve geologiya", "SSSR-nıñ tabiiy coğrafiyası", "Fizika kursu", "Coğrafiya" kibi kitaplar bular cümlesinden.

1917 s. Qırımda, Or Qapıda şair, nesirci, oca
Amet MEFAYEV (12.12.1917–06.02.1976) doğdı.

Ekinci cian cenkiniñ iştirakçisi. 1946 s. demobilizatsiya etildi. Qorantası 1944 s. sürgün etilgen Ferğana şeerine (Özbekistan) keldi. Oca, usulcı, inspektor, "Lenin bayrağı" (1957 s.) gazetasında, Özbek radiosında müarrir olıp çalıştı. "Gülnara", "Oca", "Yeşil quman" kibi şiirler ve poemalarnıñ, "Sönmegen ateş" povestiniñ müellifi. Taşkentte vefat etti.