İlk qışnıñ 11

1972 s. Özbekistannıñ Yangiyol şeerinde aktyor, teatr ve kino recissyorı, stsenariyci, oca
Ahtem SEİTABLAYEV doğdı.

A. Seitablayevnıñ qorantası Qırımğa 1989 s. qayttı. "Sevgilim Elektra" (macar dramaturgı L.Dyurkonıñ pyesası esasında), "Orman yırı" (Lesya Ukrayinka) spektaklleriniñ recissyorı. Kinematograftaki ilk faaliyeti 2003 s. Oles Saninniñ "Мamay" filminde ekinci ressyorlıq ve cenkçi rölüni icra etüvnen başlandı. 2005 s. Sol yalıdaki Kiyev akademik drama ve komediya teatrı truppasında çalışmağa başladı. 2007 s. kinorecissyorlıq faaliyeti başlandı. "Qaytarma" (2013), "Kiborglar" (2017), "Yat dua" (2017), "Zahar Berkut" (2019) kibi filmlerinen belli. Recissyor Nariman Aliyevniñ "Evge" filmindeki (2019) baş rölü içün V.Stus adına mükâfatqa (2020) ve eñ yahşı erkek röl içün "Altın dandürük" milliy kinomükâfatına nail oldı. 2017 s. başlap "Qırım evi" medeniy alanına reberlik yapa. 2022 s. kiçik qış ayında Meydan mudafaası küçlerine qoşuldı; dostları ve zenaatdaşlarınen beraber cenk haberlerini vesiqalaştıruv işinde iştirak ete.