İlk qışnıñ 10

1938 s. Qırımda, Yalta ş. fizik, fizikamatematika ilimleri doktorı, professor
Lenur ARIFOV (10.12.1938–11.03.2018) doğdı.

1944 s. Qırımdan sürgün etildi. Aspiranturanı bitirgen soñ namzetlik dissertatsiyasını qorçaladı (1965). 30 seneden ziyade Taşkentte, Özbekistan İA-nıñ yadro fizikası institutında çalıştı, qutuplar nazariyesi laboratoriyasına müdirlik etti. 1982 s. doktorlıq dissertatsiyasını qorçaladı. 100-ge yaqın ilmiy işniñ, eki monografiyanıñ müellifi. L.Arifovnıñ ilmiy faaliyeti esasen umumiy nisbiylik nazariyesi, gravitatsiya, kosmologiya, relativ astrofizikası ve yadro fizikası saasındaki tedqiqatlarnen bağlı edi. 1992 s. qorantasınen Qırımğa qayttı. Aqmescitteki V.İ.Vernadskiy adına QFU fizika fakültetiniñ fizika nazariyesi kafedrasında ocalıq yaptı. Qırımtatar halqı Qurultayınıñ ve Qırım Yuqarı Şurasınıñ vekili (1994–1998). Qırım ükümeti naziriniñ muavini. Aqmescitte vefat etti.