İlk qışnıñ 1

1908 s. Qırımnıñ Astırhan köyünde şair, nesirci, dramaturg, folklorcı ve tercima
Raim TINÇEROV (12.1908–01.1978) doğdı.

1930 s. "Yükseliş" adlı ilk ikâyeler cıyıntığı dünya yüzü kördi. SSSR YB-niñ azası (1934). Qırımtatar halqınıñ sürgünligine bağışlanğan "Bir yaz aqşamında", "Ne ola şu dünyağa?", "Baâr tañında", "Çerik asır soñ" kibi povestlerniñ müellifi. 1959 s. Taşkentte K. Camanaqlı ve Y. Bolatnen beraberlikte cenkten soñ ilk kere çıqqan ve qırımtatar halqı folklorınıñ eñ nufuzlı neşirlerinden biri esaplanğan qırımtatar halq masalları kitabını neşir ettirdi. Taşkentte vefat etti.

1991 s. Ukrayinanıñ mustaqilligini ilân etken Bütünukrayina umumhalq
referendumı olıp keçti.

Referendumğa bir süal kirsetildi: "Siz Ukrayinanıñ mustaqilligini ilân etken Aktni tasdiqlaysıñızmı?" 1991 s. arman ayınıñ 24-inde Yuqarı Şura tarafından qabul etilgen Aktnıñ metini saylav bülleteninde berilgen edi. Ukrayina vatandaşları mustaqillik içün rey berdiler. Referendumda 31 891 742 adam — Ukrayina ealisiniñ 84,18% iştirak etti. 28 804 071 adam (90,32%) mustaqillik içün rey berdi. Qırımda Ukrayinanıñ mustaqilligine ealiniñ 54%, Aqyarda — 57% qol tuttı.