Boş aynıñ 6

1928 s. Bağçasarayda, Qırım, quyumcı, filigran ustası, Ukrayinada nam qazanğan halq icadı ustası (2009)
Ayder ASANOV (06.11.1928–25.05.2019) doğdı.

1944 s. Asanovlarnıñ qorantası Özbekistanğa sürgün etildi.
1990 s. A. Asanov Qırımğa qaytıp oldı ve Kenegez köyüne yerleşti. 1999 s. Bağçasarayda onıñ yolbaşçılığı altında qırımtatar filigran sanatını ögrenüv ustahanesi teşkil etildi. O, 70 yaşında quyumcılıq işinen kene oğraşıp başladı, ananeviy bilgilerni kelecek nesillerge ögrete bilgen yekâne usta edi. İlk filigran sanatı dersleri ustalar mektebinde 2000 s. keçirilgen edi. 2003 s. usta ve talebeleriniñ işleri İstanbul ve Gdanskta numayış etildi. 2004 s. A.Asanov "Altın mukâfat" yarışında "Milliy ananelerni saqlav" nominatsiyasında diplomnen taqdirlendi. 11 yıl içinde o, 20-den ziyade talebeni ve bir qaç filigran ustalarını azırladı, olar diplomlı quyumcılar oldı.
A.Asanov halqara sergilerniñ, mukâfatlarnıñ laureatı ve iştirakçisidir, Ukrayina halq ustası unvanına saiptir. O, Bağçasarayda vefat etti.

1943 s. Ekinci cian cenki vaqtında sovet orduları Kıyiv ücüm ameliyatı devamında
Ukrayina paytahtını alman işğalcilerinden azat etti.

Bu ameliyatta qırımtatarlar da iştirâk etti. Olardan dörtü Sovetler Birliginiñ Qaramanı unvanına taqdim etildi. Bu, oqçı batalyonınıñ komandanı Abdul Teyfuk, kapitan Cevdet Dermenci, baş leytenant Veis Mesutov (ölümden soñ, Dnipornıñ sağ yalısındaki uruşta elâk oldı) ve atıcı bölükniñ komandanı Suleyman Hairov. Mukâfatnı tek Abdul Teyfuk aldı.

2014 s. Kıyivde Qırım evi teşkil etildi.

Bu devlet medeniy alanı, medeniy, içtimaiy, aq qorçalayıcı, tasil ve informatsion  saalarda Qırım mevzusınen oğraşqan cemaat ve medeniy teşkilâtlarnıñ ğayretlerini birleştirmek kerek edi.