Boş aynıñ 4

1938 s. Aqmescitte (Qırım) yırcı (lirik-dramatik soprano)
Üriye KERMENÇİKLİ doğdı.

1944 s. Özbekistanğa sürgün etildi. "Qaytarma" devlet yır ve oyun ansambliniñ solist-yırcısı (1965–2006). Özbekistanda nam qazanğan artist (1974). 2006 s. ABD-ne ketti. Repertuarında qırımtatar ve diger halqlarnıñ klassik halq yırları bar. Bütün icadiy faaliyeti devamında 100-den ziyade qırımtatar yırını icra etti, olarnıñ yarısından ziyadesi Özbekistan radio ve televideniyesiniñ estradasimfonik orkestrinen, em de "Qaytarma" ve "Efsane" ansamblleriniñ plâklarına yazılğan. Almaniya, Macaristan, Romaniya, Poloniya ve ABD-de halqara yarış ve festivallerniñ laureatı oldı. 2010 s. ABD-de BMT-da çıqışta bulunıp, qırımtatar halqınıñ muzıka sanatını temsil etti.