Boş aynıñ 28

1989 s. ŞSCB Yuqarı Şurası №845-1 Qararı ile
"Qırımtatar halqınıñ meseleleri komissiyanıñ neticeleri ve teklifleri"ni qabul etti.

Bu vesiqa qırımtatar halqınıñ tam siyasiy reabilitatsiyasını ve repressiv ve diskriminatsion normativ aktlarnıñ lâğu etilmesini közde tuta edi, bundan ğayrı qırımtatar halqınıñ "tarihiy yaşağan yerlerine qaytma ve milliy bütünligini ğayrıdan tikleme" qanuniy aqqını tanıdı, Qırım Muhtar Cumhuriyetiniñ Ukrayina ŞSC terkibinde teşkil etilmesi yolu ile Qırım Muhtar Cumhuriyetiniñ muhtariyetini yañıdan baqıp çıqmaqnı közde tuta edi, bu ise "em qırımtatarlar, em de Qırımda yaşağan diger millet vekilleriniñ menfaatlarına uyğun kelecek edi". Qırımğa qaytuvnı teşkil etilgen, grupa ve şahsiy köçüv yolunen yapmaqnı teklif eteler. Ğ. Yanayevniñ komissiyası ŞSCB Nazirler Şurasına 1987 s. ilk qışnıñ 24-nde qabul etilgen "Qırım vilâyeti ve Krasnodar ülkesiniñ bazı meskün yerlerinde vatandaşlarnıñ qayd etilüviniñ sıñırlanması aqqında" qararını ğayrıdan baqıp çıqmaqnı ve qırımtatarlar içün sıñırlavlarnı lâğu etmekni teklif etmek kerek olğanını tüşüne edi.

2008 s. Aqmescitte "Küreş" qırımtatar milliy küreşiniñ tarihı ve ğayrıdan
Canlanuv istiqballerine bağışlanğan ilmiyameliy konferentsiya keçirildi.