Boş aynıñ 27

2003 s. Ukrayinada İZZET ilk qırımtatar reggi grupası teşkil etildi,
solisti İzzet Ablâzov edi.

Grupa ilk sefer İZZET solo leyhasınıñ (albom, klip) My Security taqdim merasiminde özüni tanıttı. Qırımtatar etnosınıñ muzıkası, onıñ qıyın ölçüleri, reggi ve afrobit ile standart olmağan uyumlar ile öz üslübiniñ yekâne temsilcisi edi. İZZET taqımı festivallerniñ eñ muşurı olaraq tanıldı: "Reggi-fest" (2004); "Fortetsâ" (Bilğorod-Dnistrovskiy şeeri, 2004), "Taras Bulba". Gruppa 5 disk çıqardı: My security, Reggalia, Rootman's Rehearsal, Hard Country Fish, Fraon. 2009 senesi yırcı ve grupa lideri İzzet Ablâzovnıñ vefatı sebebinden (11.02.1972–11.07.2009) faaliyeti toqtadı.

1958 s. Özbekistanda futbolcı-ücümci Ayder ZEYTULLAYEV dünyağa keldi.
Özbekistan ve Ukrayinada bir sıra klublarda,
hususan ŞSCB birinci ligasında Tavriya ve Taşkent klublarında çıqışları ile belli.

1977 s. Sovetler Birliginiñ ekinci ligasında iştirak etken Ferğana şeeriniñ "Neftyanik" taqımı terkibinde oynadı. 1983–1984 ss. SSSR birinci futbol ligasında iştirak etken Cizzaq şeeriniñ "Yıldız" ordu taqımında oynadı. 1985 s. o devirde Özbekistanda eñ küçlü esaplanğan Taşkentniñ "Pahtakor" taqımı oyuncısı edı. 1987 senesinden 1989 senesiniñ soñuna qadar Ferğananıñ "Neftyanik" taqımında oynadı. 1990 s. Qırımğa köçti, SSSR birinci ligasında iştirak etken Aqmescitniñ "Tavriya" taqımına qabul etildi, çempionatta bu taqım terkibinde 22 oyun oynadı. 1998–1999 ss. futbol karyerasını yekünledi.