Boş aynıñ 25

1906 s. Aqmescitte , Qırım, pedagog, şair, milliy areket iştirakçisi
Zeyneb ABBASOVA (1906–14.06.1998) doğdı.

20-nci senelerde bala eviniñ müdiri edi. 1932–1934 ss. qırımtatar tilinde mektep derslikleri üzerinde çalıştı. "Yaş quvet" gazetinde "İleri" mecmuasında şiirlerini bastıra. "Töy" poeması ile belli (1933). 1940 s. başlap mektep müdiri olıp çalışa. Pedagogik faaliyetine umumen 53 yıl bağışladı. Sürgünlik vaqtında Özbekistanda yaşadı ve çalıştı. "Lenin bayrağı" gazeti ve "Yıldız" mecmuasında basıldı. 1967 s. qırımtatar halqınıñ diger vekillerinen beraber Moskvada Vatanğa qaytarmaq içün keçirilgen aktsiyalarda iştirak etti. 1989 s. Qırımğa köçti. Beşterek soñra Dubki köyünde yaşadı. Qırımda vefat etti.