Boş aynıñ 24

1957 s. Şahrisabz şeerinde, ÖzŞSCB, cemaat erbabı,
Bekir Çobanzade adına milletlerara barışıqqa qoltutuv hayriye fondunıñ tesisçisi, metsenat
Resul VELİLÂYEV doğdı.

Tek muvafaqiyetli iş adamı ve cemaat erbabı olaraq degil de, aynı zamanda hayriyeci olaraq da belli. 2003 s. istidatlı balalarğa stipendiyalar bergen, "Genç virtuoz" Cumhuriyet yarışını paranen temin etken, rayon umumtasil mekteplerine, müessiselerge yardım etken Bekir Çoban-zadeadına hayriye fondunı meydanğa ketirdi. 2006 s. Bekir Çoban-zade adına Halqara mükâfatnı tesis etti. Mükâfat er yıl (quralaynıñ 27-si — Bekir Çoban-zadeniñ doğğan kününe) qırımtatar medeniyeti, sanatı, edebiyatı ve iliminiñ inkişafına issesini qoşqanlarğa berile. 2013 s. B. Çoban-zade adına fondunıñ teşebbüsi ile tek Qırımdan degil de, onıñ tışından da 49 tedqiqatçı iştirâgi ile "Bekir Çoban-zadeniñ dünyası" Halqara türkşınaslıq konferentsiyası keçirildi. 2015 s. çiçek ayınıñ 4-nde Qarasuvbazarda R. Velilâyevniñ yardımınen qurulğan Cuma camisi açıldı. Qırım Muhtar Cumhuriyeti Yuqarı Şurasınıñ deputatı (2002–2006), Qurultay delegatı.