Boş aynıñ 19

2013 s. diniy erbap, acı, Kebir Cami camisiniñ imamı, Qırım Müftisi (1992–1995)
Seytcelil İBRAGİMOV (1960–19.11.2013) vefat etti.

Buhara şeerinde medresede oqudı. 1991 s. Qırımğa köçti ve Aqmescitniñ Kebir Cami camisiniñ imamı oldı. 1992 s. Qırımnıñ baş qadısı (şariat qadısı) edi. 1994 s. başlap Qırımnıñ qadısı resmiy olaraq Qırım musulmanlarınıñ müftisi olaraq adlandırıla. Acı Seytcelil İbragimov 1992–1995 ss. Qırım musulmanları Diniy idaresiniñ ğayrıdan tiklenmesinden soñ birinci müfti oldı. Tamır halqınıñ öz toprağına kütleviy şekilde qaytmasınıñ ilk yıllarında Qırımda islâmnıñ canlanmasına, ilk musulman cemiyetleriniñ teşkil etilmesine (müftiyat yolbaşçısı olğanda olarnıñ sayısı arttı — 50-den ziyade), musulmanlarğa evelden alınğan camilerniñ qaytarılmasına, yañı camilerniñ qurulmasına, ilk islâm mektepleriniñ açılmasına büyük isse qoştı.