Boş aynıñ 10

1914 s. Aqmescitte, Qırım, şair, publitsist
Server TURUPÇI (10.11.1914–03.03.1985) doğdı.

Başlanğıç tasilini Qırımda aldı. 1934 s. qorantasınen İstanbulğa köçti. 1937 s. Vilno şeerinde Poloniya universitetiniñ siyasiy ilimler fakultetine kirdi. Ekinci Cian cenkiniñ başlanmasınen İstanbulğa qayttı. 
1960–1970 ss. Türkiyede çıqqan "Emel" mecmuasında şairniñ şiirleri ve qırımtatar edebiyatı tarihından maqaleleri derc etildi. Onıñ Vatanğa bağışlanğan eñ meşur şiiri "Niçün?" (1975) 1999 s. "Günsel" mecmuasında basılğan. İstanbulda vefat etti.

1933 s. Dereköyde, Qırım, professor, filologiya ilimleri doktorı, yazıcı,
terciman Adile EMİROVA doğdı.

1944 s. quralayda sürgünlik vaqtında Özbekistanğa tüşti. Filologiya ilimleriniñ doktorı (1989). Onıñ qaleminden çıqqan işleri arasında çeşit janrlarda 280-den ziyade ilmiy eser bar, olarnıñ yarısından ziyadesi qırımtatar tiliniñ ğayrıdan tiklenüvi ve qırımtatar filologiyasınıñ inkişafı meselelerine bağışlanğan. Qırım Yazıcılar birliginiñ, Ukrayina Yazıcılar birliginiñ azası. İkâyeler ve şiirler yaza, çetel qırımtatar edebiyatınıñ klassigi Cengiz Dağcınıñ eserlerini türk tilinden rus tiline tercime ete.