Orta küznıñ 7

1913 s. Qırımnıñ Çaptemir köyünde şaire ve oca
Cevaуire MECİTOVA (tahallüsi Cevaire) (07.10.1913–04.09.1992) doğdı.

1935 s. Qırım devlet pedagogika institutınıñ qırımtatar tili ve edebiyatı fakültetine oqumağa kirdi. 1939 s. aspiranturada oquy ve A.Puşkin adına İlmiy tedqiqat institutında ilmiy hadim olaraq çalışa. "Qırımtatar halq folklorında qadın obrazı" mevzusında namzetlik dissertatsiyası uzerinde çalışmağa başlay ve folklor ekspeditsiyasında iştirak ete.
1944 s. Özbekistanğa sürgün etildi. 35 yıllıq ömrüni ocalıq faaliyetine bağışlay, şiirler yaza, ana tilimizni saqlamaq içün qayğıra. "Lenin bayrağı" gazetasında ve "Yıldız" mecmuasında şiirleri ve maqaleleri neşir etildi. "Unutılmaz saifeler" (1970), "Hayal çeçekleri" (1989) kibi tabiat manzarası ve vatanperverlik mevzusına bağışlanğan şiiriy cıyıntıqlarnıñ müellifi. Taşkentte vefat etti.