Orta küznıñ 3

1955 s. Özbekistannıñ Bulunğur köyünde filolog, edebiyatşınas,
qırımtatar edebiyatı ve medeniyeti tarihçısı İsmail KERİMOV doğdı.

1987 s. — qırımtatar tili ve edebiyatı kafedrasınıñ ocası. 1989 s. Umer İpçiniñ ayatı ve yaratıcılığına bağışlanğan namzetlik dissertatsiyasını qorçaladı ve "Terenlik" kitabını neşir ettirdi. 2004 s. — Qırımtatar filologiyası, tarihı ve Qırım etnoslarınıñ medeniyeti ilmiy-tedqiqat institutınıñ müdiri. Ukrayina YB azası (1999), türkiy tillerde yazılğan ikayeler boyunca M.Qaşqarlı adına Halqara konkursnıñ ğalibi (2016). 2005 s. — Qırım edebiy akademiyasınıñ azası, 2018 s. — Qırım İlimler Akademiyasınıñ azası. 500-den ziyade maqalelerniñ, 7 monografiyanıñ, şu cümleden "Bibliografik seçmeler" (1994), "Qırımtatar edebiyatı" (1995), "Eki asır arasında" (1997), "Gasprinskiy canlı tarihı, 1883–1914" (1999) ve baş. müellifi. İsmail Kerimovnıñ ilmiy faaliyeti XIX asırnıñ soñu XX asırnıñ başlarındaki qırımtatar yazıcılarınıñ ayatı ve icadını tedqiq etmege bağışlanğan.