Orta küznıñ 27

1941 s. Qırımnıñ Çerkez-Kermen köyünde yazıcı, jurnalist,
publitsist Şevket RAMAZANOV (27.10.1941–19.10.2011) doğdı.

1944 s. quralay 18-de anasınen beraber Özbekistan SSR-ge sürgün etildi. Taşkentte "Yıldız" mecmuasınñ (1980) ve "Lenin bayrağı" gazetasınıñ muarriri olıp çalıştı (1982). 1988 s. Qırımğa qayttı. 1989–2000 ss. yañı çıqmağa başlağan "Dostluq" gazetasınıñ baş muarriri olıp çalıştı (1992 senesinden "Qırım"). 1985 s. "Cevizlik" kitabını neşir ettirdi. 2000 s. "Qırım" gazetasında "Ceennemden qaçqanlar" romanınıñ birinci qısmı derc olundı. 2018 s. "Qanlı ötmek" ikayesi qırımtatar yazıcılarınıñ "Kün doğdı" eserler cıyıntığında yer aldı. "Salğırnıñ accı közyaşları" kinofilminiñ stsenariy muellifi. 1997–1998 ss. Qırım Yuqarı Şurasınıñ deputatı. Ukainada nam qazanğan jurnalist (1997). Qırımtatar yazıcıları birliginiñ azası. Ukrayina YB-niñ azası (1993). Qurultay vekili, Meclis azası. QMC Yuqarı Şurasınıñ deputatı (1994–1998). Aqmescitte vefat etti.