Orta küznıñ 19

1919 s. Qırımda, Kezlev şeerinde mimar, oca
İrfan ŞEMSEDİNOV (19.10.1919–29.05.2007) doğdı.
Ekinci cian cenkiniñ iştirakçisi.

1945 s. Diprosilbud Kiyev proyekt institutında çalıştı. 1947 s. Kreşatikni tiklev konkursında iştirak etti (Aleksey Tatsiy reberligindeki icadiy kollektiv terkibinde). 1950–1993 ss. Kiyev devlet bediiy institutında mimarcılıq fakültetinde ocalıq yaptı. Eki yüzden ziyade mimar-ressam terbiyeledi. Bir sıra leyhalarnıñ, şu cümleden Hrustalnıy burnunda qaraman şeer Aqyarğa qoyulğan abideniñ, Kiyev metropolitenindeki "Vokzalnaya" durağınıñ ve baş. 1997 s. Aqmescitteki Qırımtatar sanat muzeyi İ.Şemsedinovnıñ akvareller hususiy sergisini teşkil etti. Onıñ ğayesi boyunca Kiyevde qırımtatar halqınıñ soyqırımı qurbanlarına memorial abideniñ leyhası azırlandı. Ukrayina sanat ve mimarcılıq akademiyasınıñ fahriy azası. Ukrayina mimarları birliginiñ azası (1949). Kiyevde vefat etti.