Orta küznıñ 17

1963 s. — Şimaliy Qırım kanalı birinci nevbetiniñ qurulışı.

Or Qapıdaki soñki topraq tıynaq patlatılıp bozuldı ve suv öz aqımınen Yañı Qapığa kelmege başladı. Birinci nevbet qurucılığı Keriç suv ambarınıñ faydalanmağa teslim etilmesinen 1975 s. ilk qış ayınıñ 29-ında bitirildi. 1979 s. çiçek ayında kanalnıñ ekinci, 1983 s. oraq ayında üçünci nevbeti qurucılığı başlandı. SSSR-deki mürekkep iqtisadiy vaziyetten sebep 1980 ss. üçünci nevbeti qurıp bitirilmedi, dörtünci nevbeti ise başlanmadı.
2014 s. qadar kanal yarımadağa 1,8 mlrd. kubometr tatlı suv berdi, bu Qırım ihtiyacınıñ 85 % teşkil ete edi. 2014 s. Qırım yarımadasınıñ okkupatsiyası neticesinde kanal qapatıldı.
2023 s. ilk yaz ayınıñ 6-sında Ukrayina cenübiniñ işğali vaqtında Rusiye arbiyleri Kahovka GES-iniñ bentini patlatıp, onı tolusınen işten çıqardılar ve bu al kanal işiniñ yañıdan başlanmasına imkân bermedi.