Qara qışnıñ 7

1769 s. Qırım hanı Qırım Geray Rusiye-Türkiye cenki (1768–1774) devrinde Rusiyege qarşı arbiy seferini başlattı.

Rus ordusını Ukrayinadan aydamaq ve Osmanlı ordusına qoşulmaq içün Reç Pospolitanıñ sıñırlarınace barmağa niyetlengen edi. Han ordusına ukrayin kozakları da qoşuldı. Vrotslavğaсe qolay barıp çıqtılar. İlerilemelerine şiddetli suvuqlar yol bermedi. Han Bucaqqa qaytmağa mecbur edi. Yañı sefer baarge planlaştırılğan edi, amma hannıñ apansızdan vefatı buña yol bermedi.

1947 s. Tacikistannıñ Leninabad şeerinde balet artisti, oca Elzara ASANOVA doğdı.

1964 s. Taşkentte horeografiya oquv yurtunı bitirdi. 1965-1967 ve 1984-1992 ss. Tacikistan filarmoniyasınıñ balet artisti. 1967-1984 ss. Duşanbedeki S. Ayniy adına Opera ve balet akademik teatrında çalıştı. Tacikistan SSR-de nam qazanğan artist (1977). Repertuarı tacik, ind, çingene ve diger halqlarnıñ oyunlarından ibaret. Moskvadaki (1985), Delideki (1988) halqara festivallerde iştirak etti, Almaniya, Avstriya, Poloniya, İndistan, Türkiye, Afğanistan, İran, Cezair kibi devletlerniñ sanalarında çıqış yaptı. 1992 s. Qırımğa qayttı. 1993 s. Aqmescitteki bala ve gençler icadı merkezindeki "Güldeste" qırımtatar bala ansambliniñ bediiy reberi olıp çalışa. Qırım MC-de nam qazanğan medeniyet hadimi.

1995 s. Aqmescitte Qırımtatar ekimleri cemiyeti teşkil etildi.

Konferentsiyada cemiyetniñ idaresi ve onıñ reisi olaraq Mustafa Lümanov saylandı.