Qara qışnıñ 29

1990 s. qırımtatar halqınıñ meseleleri boyunca Devlet komissiyası meydanğa ketirildi.

SSCB Nazirler Şurası "Qırımtatar halqınıñ aq-uquqlarını ğayrdan tiklevnen bağlı meselelerni çezüv maqsadınen" alğan qararğa binaen SSCB Nazirler Şurası, RSFSC Nazirler Şurası, Ukrayina SSC, Tacikistan SSC, Qırım vilâyeti halq temsilcileri şurası ve qırımtatar halqınıñ temsilcilerinden ibaret olğan Devlet komissiyası teşkil etilgen edi. Komissiyanıñ maqsadı, programmanıñ esas yönelişlerini, müddetlerini, aliyeviy menbalarını, iş yerlerinen temin etüv, mesken, içtimaiy infraterkip meselelerini çezüv imkâniyetlerini belgilemektir. Komissiyağa SSCB Nazirler şurasınıñ Reis muavini V.Dogujiev reberlik etti. Terkibine 25 kişi, şu cümleden 5 qırımtatarı Refat Appazov, Riza Asanov, Ferid Ziyadinov, Ahtem Tippa, Refat Çubarov kirdi. Komissiyanıñ faaliyeti 1991 s. arman ayında olıp keçken darbeden soñ lâğu etildi.