Qara qışnıñ 24

1975 s. Qırımdaki Aqmescit ş. Rusiyeniñ Ukrayinağa qarşı tecâvüzi neticesinde
Qırımda öldürilgen ilk Ukrayina vatandaşı
Reşat AMETOV (24.01.1975–15.03.2014) doğdı.
Ölüminden soñ Ukrayina Qaramanı unvanına nail oldı (2017).

2014 s. saban ayınıñ 3-de Qırım yarımadasınıñ Rusiye ordusı tarafından işğal etilmesine qarşı narazlığını kösterip, Qırım Nazirler Şurasınıñ binası qarşına bir kişilik piketke çıqqan qırımtatar faali. Sözde "öz-özüni qorçalav" quvetlerine ait olğan kamuflajlı üç kişi onu yaqaladı, yengil arabağa oturttı ve belgisiz yerge alıp ketti.
2014 s. saban ayınıñ 15-de Ametovnıñ qıynav izlerini taşığan cesedi Qarasuvbazar rayonınıñ Ortalan köyü civarlarında tapılğan edi. Saban ayınıñ 18-de Reşat Ametov Aqmescitteki şeer mezarlığında defn etildi.