Qara qışnıñ 21

1905 s. Qırımdaki Sırt-Camanaq köyünde alimedebiyatşınas, qırımtatar folkloristikasınıñ temellerini atqan insanlardan biri,
folklor toplayıcısı, şair Kerim CAMANAQLI (kerçek soyadı Reşidov) (21.05.1905–02.08.1965) doğdı.

Qırımtatar ilmiy folklorşınaslığınıñ temellerini attı. "Çıñlar ve maneler" (1936), "Masallar" (1941) folklor cıyıntıqlarını neşir ettirdi. Şiirleri "Yañı dünya", "Yaş quvet" gazetlerinde, "İleri" mecmuasında ve başqa matbuat vastalarında derc etildi.

1937 s. Qazan devlet pedagogika institutında "Qırımtatar halq şairi Usein Şamil Tohtarğazınıñ içtimaiy-siyasiy ve edebiy faaliyeti" mevzusında dissertatsiyasını qorçaladı (ilmiy unvanını ancaq 1940 s. aldı). 1937 s. Sovet Birliginiñ Yazıcılar Birligine qabul etildi. 1945 s. Tataristanğa köçti, ilmiy faaliyeti anda devam etti. 1978 s. Taşkentte "Dostlarıma" şiirler cıyıntığı neşir etildi. 1965 s. arman ayınıñ 2-de Tataristanda vefat etti.

1918 s. Qırımdaki Aqyar şeerinde Ekinci cian cenkiniñ iştirakçisi, partizan
İbragim SOFU (21.01.1918–11.08.2013) doğdı. Belarusça-Qırımtatarca luğatnıñ tertip eticilerden biri.

Sovet-fin cenkiniñ (1940) ve Ekinci cian cenkiniñ iştirakçisidir, Olştin (Lehistan) civarlarındaki lagerden sovet cenk esirleriniñ kütleviy şekilde qaçmalarınıñ teşebbüsçisidir. 1942–1945 ss. Aleksandr Nevskiy adına partizan birliginde cenkleşti. Vatan cenki ordeni, "Cesürlik içün" medallerinen taqdirlendi. Cenkten soñ Grodno şeerinde tericilik zavodınıñ müdiri olaraq çalıştı. 1953 s. İçki işler halq komissarlığı (NKVD) tarafından "zararcılıqta" qabaatlanıp yaqalandı, 1954 s. ise aqlandı. Cenkten soñ Grodno şeeriniñ işhanelerinde reberlik yaptı. İsmail Memetov ile beraber ilk ve yekâne Belarusça-Qırımtatarça luğatnıñ meydanğa ketirüvde iştirak etti. 2013 s. arman ayınıñ 11-de vefat etti. Grodno şeerinde defn etildi.