Qara qışnıñ 16

1901 s. Qırımdaki Alupka qasabasında ressam, qırımtatar tasviriy sanatında
ilk mütehassıslardan biri olğan Tohtar AFUZOV (16.01.1901–1942) doğdı.

Umumittifaq ve cumhuriyet sergilerinde iştirak etti. Eñ meşur eserleri: "Natürmort. Vişneler" (1940), "Deñiz manzarası" (1940), "Ay yarığındaki ev", "Yarıq gecedeki ev" (1937). Eserleri Aqmescit sanat müzeyinde ve Qırım cumhuriyeti yerli medeniyet müzeyinde (Aqmescit) yer almaqtadır. Partizan areketinde iştirak etkeni içün natsistler tarafından 1942 s. Aqmescitte qurşunğa tizildi (bazı menbalarğa köre ise, 1941-de cebede elâk oldı).